CRCIKET NEWS: આયરલેન્ડ સામેની T20 સિરીઝમાં ભારતીય ટીમને વેઠવી પડેલી 0-2ની કારમી હાર બાદ ટીમ મેનેજમેન્ટની રણનીતિ અને પ્લેઇંગ-11ની પસંદગી પર સવાલો ઉઠી રહ્યા છે. બંને મેચમાં ભારતનો ટોપ ઓર્ડર સંપૂર્ણપણે ફ્લોપ રહ્યો હતો, જેના કારણે 15 વર્ષીય યુવા ક્રિકેટ સેન્સેશન વૈભવ સૂર્યવંશીને તક ન આપવા બદલ ફેન્સ અને ક્રિકેટ નિષ્ણાતોમાં ભારે નારાજગી છે. હવે આ વિવાદમાં ભારતના પૂર્વ કેપ્ટન અને દિગ્ગજ બેટ્સમેન સુનીલ ગાવસ્કરે પણ ઝંપલાવ્યું છે અને ટીમ ઇન્ડિયાને એક કડક અને સચોટ સલાહ આપી છે.
સુનીલ ગાવસ્કરે સ્પષ્ટ શબ્દોમાં જણાવ્યું છે કે, આગામી 1 જુલાઈએ ઇંગ્લેન્ડ સામે રમાનારી પ્રથમ T20 મેચમાં વૈભવ સૂર્યવંશીને ડેબ્યૂ કરવાની તક આપવી જ જોઈએ. ગાવસ્કરના મતે વૈભવ ઇંગ્લેન્ડ માટે સૌથી મોટું ‘સરપ્રાઇઝ પેકેજ’ સાબિત થઈ શકે છે અને તે મેચનું પાસું પલટાવવાની અદભુત ક્ષમતા ધરાવે છે. તેઓ છેલ્લા એક મહિનાથી સતત કહી રહ્યા હતા કે આયરલેન્ડ જેવી સિરીઝ યુવા ખેલાડીઓનું ટેલેન્ટ પારખવા માટેનું બેસ્ટ પ્લેટફોર્મ હતું અને ત્યાં જ વૈભવને અજમાવી લેવાની જરૂ
ગાવસ્કરનું સૂચન છે કે નિયમિત ઓપનર્સને તેમના સ્થાને જ રમાડવા જોઈએ, પરંતુ વૈભવ સૂર્યવંશીને નંબર-3 પર મોકલીને ઇંગ્લેન્ડના બોલિંગ એટેકને ચોંકાવી શકાય, જે સીનિયર અને મિડલ ઓર્ડરના બેટ્સમેનો સતત રન બનાવવામાં નિષ્ફળ રહ્યા છે, તેમને બહાર બેસાડીને વૈભવને પ્લેઇંગ-11 માં સેટ કરવો જોઈએ. આયરલેન્ડ સામે ભારતની હાર જોઈને ઇંગ્લેન્ડ કદાચ ભારતને હળવાશથી લેવાની ભૂલ કરી શકે છે. ભારતીય ટીમે ઇંગ્લેન્ડના આ જ ઓવરકોન્ફિડન્સનો ફાયદો ઉઠાવી વળતો પ્રહાર કરવો પડશે.
પૂર્વ કેપ્ટને ઉમેર્યું કે, આયરલેન્ડ સામેની બીજી મેચમાં ધ્રુવ જુરેલ (જેણે 3 વિકેટ ઝડપી અને એક બોલમાં સિક્સર ફટકારી) જેવા યુવાઓએ પ્રભાવિત કર્યા છે. જો પ્રયોગ જ કરવા હતા, તો અભિષેક શર્મા કે સંજુ સેમસનને આરામ આપીને વૈભવને ઓપનિંગમાં પણ અજમાવી શકાયો હોત. હવે 1 જુલાઈએ ઇંગ્લેન્ડ સામેની અગ્નિપરીક્ષામાં વૈભવની એન્ટ્રી ભારત માટે એક્સ-ફેક્ટર સાબિત થઈ શકે છે.
