SURAT NEWS: સુરત શહેરમાં છેલ્લા કેટલાક દિવસોથી પડી રહેલા ભારે વરસાદ અને ઉપરવાસમાંથી પાણીની સતત આવકના કારણે ખાડીઓ ઓવરફ્લો થતાં શહેરમાં ગંભીર ‘ખાડી પૂર’ની સ્થિતિ સર્જાઈ છે. શહેરના અનેક નીચાણવાળા અને સરહદી વિસ્તારો ખાડીના પૂરના પાણીથી ખરાબ રીતે પ્રભાવિત થયા છે. વહીવટી તંત્રની પ્રી-મોન્સૂન કામગીરીના દાવાઓ વચ્ચે યોગ્ય આયોજનના અભાવે હજારો નાગરિકો આ નરકાગાર જેવી પરિસ્થિતિમાં જીવવા મજબૂર બન્યા છે, જેને પગલે સ્થાનિક રહીશોમાં ભારે આક્રોશ જોવા મળી રહ્યો છે.
સમ્રાટ સર્કલ અને લિંબાયત વિસ્તાર પાણી-પાણી
ખાડી પૂરની સૌથી વરવી સ્થિતિ લિંબાયત અને સમ્રાટ સર્કલ આસપાસના વિસ્તારોમાં જોવા મળી રહી છે. ખાડીના પાણી રહેણાંક સોસાયટીઓ અને મુખ્ય માર્ગો પર ફરી વળતા ઘૂંટણસમાથી લઈને કમર સુધીના પાણી ભરાઈ ગયા છે. લોકોના ઘરોમાં પૂરના ગંદા પાણી ઘૂસી જતાં ઘરવખરીને મોટું નુકસાન પહોંચ્યું છે. સ્થાનિક વિઝ્યુઅલ્સમાં લોકો લાચારીપૂર્વક પાણીની વચ્ચેથી પસાર થતા અને સ્થળાંતર કરતા નજરે પડી રહ્યા છે.
ડ્રોન દ્રશ્યોમાં દેખાઈ પૂરની ભયાવહતા
બામરોલી બ્રિજ નજીકથી લેવામાં આવેલા ખાડીના ડ્રોન દ્રશ્યોમાં પૂરની ભયાનકતા સ્પષ્ટપણે જોઈ શકાય છે. ડ્રોન કેમેરામાં કેદ થયેલા દ્રશ્યો મુજબ, ખાડીની આજુબાજુના સેંકડો મકાનો અને ઔદ્યોગિક એકમો ચારેય બાજુથી પાણીથી ઘેરાયેલા નજરે પડે છે. બામરોલી અને આસપાસના વિસ્તારો જાણે બેટમાં ફેરવાઈ ગયા હોય તેવી સ્થિતિ સર્જાઈ છે. રસ્તાઓ અને ખાડી વચ્ચેનો તફાવત જ મટી ગયો છે, જેના કારણે વાહનવ્યવહાર સંપૂર્ણપણે ઠપ થઈ ગયો છે.
તંત્રની બેદરકારી સામે જનતાનો આક્રોશ
સ્થાનિક રહીશોનો આક્ષેપ છે કે દર વર્ષે ચોમાસામાં સુરતવાસીઓએ આ જ પરિસ્થિતિનો સામનો કરવો પડે છે. ખાડીઓની યોગ્ય સફાઈ અને પ્રોટેક્શન વોલ બનાવવામાં તંત્ર સંપૂર્ણ નિષ્ફળ રહ્યું છે. મહાનગરપાલિકાના આયોજનના અભાવે આજે હજારો પરિવારો દયનીય સ્થિતિમાં મુકાયા છે. પૂરના પાણી ભરાવાને કારણે પીવાના શુદ્ધ પાણી અને લાઈટની સુવિધા પણ જોખમાઈ છે,
