automobile news: પેટ્રોલ-ડીઝલના આસમાને પહોંચેલા ભાવો અને મોંઘા લિટરના ખર્ચથી કંટાળીને લોકોએ હવે ઇલેક્ટ્રિક વાહનો (EV) તરફ સુપરફાસ્ટ સ્પીડે દોટ મૂકી છે. સ્થિતિ એવી સર્જાઈ છે કે બજારમાં ડિમાન્ડ એટલી વધી ગઈ છે કે પોપ્યુલર મોડલ્સ ખરીદવા માટે 4 થી 6 મહિનાથી લઈને 1 વર્ષ સુધીનું લાંબું વેઇટિંગ ચાલી રહ્યું છે. નવી ગાડીઓ ખરીદવાનો ટ્રેન્ડ અને તેનાથી થતી સરકારી આવક બંનેમાં મોટો રેકોર્ડબ્રેક ઉછાળો આવ્યો છે. આ ટ્રેન્ડ માત્ર રસ્તાઓ પર જ નહીં, પરંતુ સરકારી ચોપડે પણ સાબિત થયો છે. શહેરમાં ઇલેક્ટ્રિક વાહનો ખરીદવાનો ટ્રેન્ડ અને તેનાથી થતી સરકારી વેરાની આવક બંનેમાં નોંધપાત્ર અને રેકોર્ડબ્રેક પ્રગતિ નોંધાઈ છે.
પૂછપરછ બંધ, હવે સીધું બુકિંગ: શોરૂમ્સ પર સ્ટોક ખૂટ્યા!
અગાઉના વર્ષોમાં જ્યાં ગ્રાહકો માત્ર માહિતી કે ઇન્ક્વાયરી કરવા માટે શોરૂમ સુધી આવતા હતા, ત્યાં હવે સીધું એડવાન્સ બુકિંગ કરાવનારાઓની સંખ્યા બમણી થઈ ગઈ છે. રોજિંદા ઓફિસ જતા નોકરિયાતો, કોલેજના વિદ્યાર્થીઓ અને મધ્યમવર્ગીય પરિવારો હવે પોતાના ઘરના ‘સેકન્ડ વ્હીકલ’ તરીકે ઇલેક્ટ્રિક વાહનને જ પ્રથમ પસંદગી આપી રહ્યા છે. કંપનીઓ પાસે પૂરતો સપ્લાય ન હોવાને કારણે ડિમાન્ડ અને સપ્લાય વચ્ચે મોટો ગેપ સર્જાયો છે, જેના લીધે વેઇટિંગ લિસ્ટ લાંબું થતું જાય છે.
ધીમે-ધીમે પ્રાઇવેટ અને પબ્લિક ચાર્જિંગ સ્ટેશનોની સુવિધા વધી રહી છે, જેને કારણે વાહન અધવચ્ચે બંધ થઈ જશે તેવો ગ્રાહકોનો ડર હવે દૂર થયો છે અને તેમનો વિશ્વાસ વધ્યો છે. પ્રદૂષણ મુક્ત અને અવાજ વિનાના ડ્રાઇવિંગ અનુભવને કારણે નવી પેઢી આ વાહનો તરફ વધુ આકર્ષાઈ રહી છે.
હવે સ્માર્ટ અને ગ્રીન સિટી બનવા તરફ સુપરફાસ્ટ સ્પીડે આગળ વધી રહ્યું છે. જો તમે પણ નવું EV લેવાનું વિચારતા હોવ, તો લાંબા વેઇટિંગને ધ્યાનમાં રાખીને વહેલું બુકિંગ કરાવવું જ હિતાવહ રહેશે.
